مرة واحدة سايقة على الـ Gps قالها انحرفي قليلًا راحت شايله الطرحة.
مره واحد قال لأبوه يا بابا انا عايز أكمل دراستي بره، ابوه قاله: وإيه المشكلة، قول لأمك تفرشلك في الحوش بس خد بالك لتبرد.
مره واحد محشش أخد جده عند الدكتور فالدكتور بيسأله عن عمره قاله مش عارف بس هو عندنا من زمان.
مره واحد عجوز الناس بتسأله ليه دايما بتقول لمراتك حياتي وعمري قالهم والله ناسي اسمها وخايف أسألها.
مرة محشش ركب أسانسير مكتوب عليه “الحمولة 8 أشخاص”، فراح قاعد مستني 7 أشخاص عشان يركب
مره واحد شغال خياط كان ماشي في حته مقطوعه قام مخيطها.
مره واحد شايل كيس سمك، قابل واحد مسطول قاله: لو عرفت الكيس دا فيه إيه هديك منه سمكة، قاله: بحر.
مرة واحد بخيل راح يزور أمه في المستشفى لقى لوحة على الباب مكتوب عليها (ادفع) قام قايل ربنا يشفيها هبقى أشوفها في البيت لمّا ترجع بقى!
مره واحد غبي بيذاكر دايما بره البيت علشان الناس يقولو عليه حصل علي الشهاده من الخارج.
اشتري بخيل ٣ برتقالات قطع الأولي لقاها متعفنه فرماها قطع التانيه لقاها أيضا متعفنه فرماها فطفي النور وقطع التالته وأكلها.
